I3-20¹-band. 2-bob. Boshqa davlatlardan Toshkent shahri va Toshkent viloyatiga kelgan chet el fuqarolari va fuqaroligi bo'lmagan shaxslarga doimiy yashash uchun ruxsatnoma berish tartibi — I3-20¹-band

O'zbekiston Respublikasi Prezidentining 2019 yil 5 yanvardagi PF-5611-son Farmonining 5-bandi va mazkur Farmonga 6-ilovaga muvofiq Toshkent shahri va Toshkent viloyatiga boshqa davlatlardan kelgan va doimiy yashash joyi bo'yicha ro'yxatga olinish huquqiga ega bo'lgan hamda ko'chmas mulk sotib olgan chet el fuqarolari (Ro'yxatning 10-bandi) doimiy yashashga ruxsatnoma olish uchun viloyat yoki shahar hududidagi MvaFRBga mazkur Nizomning 11-bandida ko'rsatilgan hujjatlardan tashqari uy-joy mulkdorining (mulkdorlarining) uy-joy maydoni berish to'g'risidagi arizasi (roziligi) yoxud shaxsan topshirish imkoni bo'lmaganda, notarial tasdiqlangan arizasi (roziligi)ni taqdim etadi. Ko'chmas mulk davlat ro'yxatidan o'tkazilganligi to'g'risidagi ma'lumotlar MvaFRB tomonidan Kadastr agentligidan «Elektron hukumat» tizimi idoralararo integratsiyalashuv platformasi orqali so'rab olinadi.