I2-2-band. 1-bob. Umumiy qoidalar — I2-2-band

Istalgan harf va raqamlar kombinatsiyasiga ega bo'lgan RO'DRB jismoniy va yuridik shaxslar tomonidan ixtiyoriy ravishda faqat elektron tarzda tanlanadi. Bunda: Qoraqalpog'iston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari hamda viloyatlar ichki ishlar boshqarmalari jamoat xavfsizligi xizmati yo'l harakati xavfsizligi boshqarmalarining ro'yxatdan o'tkazish va imtihon olish bo'linmalarida (keyingi o'rinlarda — ro'yxatdan o'tkazish bo'linmalari) joylashgan infokiosklar; O'zbekiston Respublikasi Ichki ishlar vazirligi Jamoat xavfsizligi departamenti Yo'l harakati xavfsizligi xizmatining (keyingi o'rinlarda — YHXX) mobil ilovasi; YHXXning rasmiy veb-sayti; O'zbekiston Respublikasi Yagona interaktiv davlat xizmatlari portali (keyingi o'rinlarda — YaIDXP) orqali murojaat qilinishi mumkin.