Fuqarolar, fuqarolarning o'zini o'zi boshqarish organlari, ommaviy axborot vositalari va nodavlat notijorat tashkilotlari yer uchastkalarini ajratish, ulardan oqilona va maqsadli foydalanish hamda ularni muhofaza qilish ustidan jamoatchilik nazoratini o'z vakolatlari doirasida amalga oshirishga haqli.
Tabiatni muhofaza qilish jamiyatlari, ilmiy jamiyatlar va boshqa jamoat birlashmalari, shuningdek fuqarolar yerlardan foydalanish hamda ularni muhofaza qilish ustidan nazoratni amalga oshirishda davlat organlariga va fuqarolarning o'zini o'zi boshqarish organlariga ko'maklashadilar.
Fermer, dehqon xo'jaliklari va tomorqa yer egalari kengashlari dehqon xo'jaliklarining yer uchastkalaridan hamda tomorqa yerlardan maqsadli va samarali foydalanilishi, shu jumladan yerlarga ishlov berilishining holati, urug'lar, ko'chatlar va daraxtlarning ekilishi, issiqxonalar qurilishi, chorva va parrandaning ko'paytirilishi ustidan jamoatchilik nazoratini hamda uylarni aylanib chiqish orqali muntazam ravishda monitoringni amalga oshiradi.
Fermer, dehqon xo'jaliklari va tomorqa yer egalari kengashlari O'zbekiston fermer, dehqon xo'jaliklari va tomorqa yer egalari kengashi a'zolari bo'lgan fermer, dehqon xo'jaliklariga hamda tomorqa yer egalariga tegishli yer uchastkalaridan maqsadli va samarali foydalanish zarurligi to'g'risida ko'rsatmalar berishga haqli.
Yer uchastkalarini o'zboshimchalik bilan egallab olish, yer uchastkalaridan maqsadsiz foydalanish, ulardan tegishli hujjatlarda ko'rsatilgan normalardan ortiqcha tarzda g'ayriqonuniy tarzda foydalanish, qonunga xilof ob'yektlarni va inshootlarni qurish hollari, yer munosabatlari sohasidagi suiiste'molliklar to'g'risida foto- va videoyozuv texnikasidan foydalanilgan holda tasdiqlangan xabarlar uchun jamoatchilik nazorati sub'yektlari rag'batlantirilishi mumkin.
Jamoatchilik nazorati sub'yektlarini rag'batlantirish tartibi O'zbekiston Respublikasi Vazirlar Mahkamasi tomonidan belgilanadi.
lex.uz’dagi asl matn84-modda. Yer uchastkalarini ajratish, ulardan foydalanish hamda ularni muhofaza qilish ustidan jamoatchilik nazorati
(84-модданинг номи Ўзбекистон Республикасининг 2021 йил 16 августдаги ЎРҚ-708-сонли Қонуни таҳририда — Қонунчилик маълумотлари миллий базаси, 17.08.2021 й., 03/21/708/0799-сон — 2021 йил 18 ноябрдан кучга киради)
Oddiy tilda
Nimani anglatadi
Fuqarolar va jamoat tashkilotlari yer uchastkalarining to'g'ri ishlatilishini va muhofazasini nazorat qilishlari mumkin. Ular yer egalarining qonun buzishlarini kuzatib, xabar berishlari va taklif berishlari haqli. Fermer va dehqon xo'jaliklari kengashlari o'z a'zolarining yerlaridan to'g'ri foydalanishini tekshirishlari kerak.
Kimga tegishli
Bu huquq barcha fuqarolar, jamoat birlashmalari, tabiat muhofaza jamiyatlari va fermer-dehqon kengashlariga tegishli.
Amalda
Qo'shni fuqaro agar fermer o'z yer uchastkasini o'zboshimchalik bilan egallayotganini yoki qonunga xilof qurilish qilyotganini ko'rsa, foto-video olib, mahalliy hokimiyat yoki jamoat kengashiga xabar berishi mumkin. Agar xabar isbotlansa, u rag'batlantirilib, pul yoki sertifikat berilishi mumkin.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.