O'zbekiston Respublikasi Vazirlar Mahkamasi huzuridagi Davlat personallashtirish markazi shaxsga doir ma'lumotlar sohasidagi vakolatli davlat organidir (bundan buyon matnda vakolatli davlat organi deb yuritiladi).
Vakolatli davlat organi:
shaxsga doir ma'lumotlar sohasidagi davlat siyosatini amalga oshiradi;
shaxsga doir ma'lumotlar sohasidagi davlat dasturlarini va boshqa dasturlarni ishlab chiqish hamda amalga oshirishda ishtirok etadi;
Shaxsga doir ma'lumotlarga ishlov berishning namunaviy tartibini tasdiqlaydi;
Mulkdorning va (yoki) operatorning shaxsga doir ma'lumotlarga ishlov berilishini hamda ularning himoya qilinishini ta'minlovchi tuzilmaviy bo'linmasi yoki vakolatli shaxsi faoliyatini tashkil etishning namunaviy tartibini tasdiqlaydi;
Shaxsga doir ma'lumotlar bazalarining davlat reyestrini yuritadi;
shaxsga doir ma'lumotlar bazasi Shaxsga doir ma'lumotlar bazalarining davlat reyestrida ro'yxatdan o'tkazilganligi to'g'risida guvohnoma beradi;
shaxsga doir ma'lumotlar to'g'risidagi qonunchilik talablariga rioya etilishi ustidan o'z vakolatlari doirasida davlat nazoratini amalga oshiradi;
O'zbekiston Respublikasi Vazirlar Mahkamasiga shaxsga doir ma'lumotlar sohasidagi normativ-huquqiy bazani takomillashtirish yuzasidan takliflar kiritadi;
davlat xavfsizligini ta'minlash sohasidagi vakolatli davlat organlariga ularning faoliyati sohasiga nisbatan qo'llaniladigan belgilangan ma'lumotlarni yuboradi;
shaxsga doir ma'lumotlarning zarur himoya qilinganlik darajasini belgilaydi;
ishlov beriladigan shaxsga doir ma'lumotlarning hajmi va mazmunini, faoliyat turini, shaxsga doir ma'lumotlar xavfsizligiga bo'lgan tahdidlarning haqiqiyligini tahlil qiladi;
shaxsga doir ma'lumotlar to'g'risidagi qonunchilikning buzilishlarini bartaraf qilish haqida yuridik va jismoniy shaxslar tomonidan ijro etilishi majburiy bo'lgan ko'rsatmalar kiritadi;
chet davlatlarning vakolatli organlari va xalqaro tashkilotlar bilan shaxsga doir ma'lumotlar sohasida hamkorlikni amalga oshiradi.
lex.uz’dagi asl matn«Shaxsga doir ma'lumotlar to'g'risida»gi qonun
8-modda. Shaxsga doir ma'lumotlar sohasidagi vakolatli davlat organi
(8-модда иккинчи қисмининг саккизинчи хатбошиси Ўзбекистон Республикасининг 2021 йил 21 апрелдаги ЎРҚ-683-сонли Қонуни таҳририда — Қонунчилик маълумотлари миллий базаси, 21.04.2021 й., 03/21/683/0375-сон)
Oddiy tilda
NIMANI ANGLATADI
Davlat personallashtirish markazi — bu O'zbekistonda shaxsga doir ma'lumotlarni (ism, manzil, telefon raqami va boshqa shaxsiy tafsilotlar) boshqaradigan asosiy davlat idorasi. U odamlarning shaxsiy ma'lumotlari qanday saqlanalishi, kimga berilishi va himoya qilinishi haqida qonunlarni bajarilishini nazorat qiladi.
KIMGA TEGISHLI
Bu vakolat faqat Vazirlar Mahkamasi huzuridagi Davlat personallashtirish markaziga tegishli.
AMALDA
Agar biror kompaniya ishchilarining ma'lumotlarini saqlasa, u avval bu ma'lumotlar bazasini davlat reyestrida ro'yxatdan o'tkazishi kerak. Personallashtirish markazi bu ro'yxatni tekshiradi va guvohnoma beradi. Agar kompaniya qonun talablarini buzsa, markaz uni to'g'rilash haqida ko'rsatma beradi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.