Reklama beruvchi quyidagi huquqlarga ega:
reklama to'g'risida shartnoma tuzish haqida oshkora taklif (ommaviy oferta) kiritish, shu jumladan uni elektron shaklda kiritish;
reklama vositalarini, shuningdek reklama materiallarining hajmlarini va ushbu materiallarni yetkazib berish shakllarini mustaqil ravishda belgilash, bundan qonunda belgilangan hollar mustasno.
Reklama beruvchi:
zarur bo'lgan taqdirda, reklama tayyorlovchining va (yoki) tarqatuvchining talabiga ko'ra reklama axborotining ishonchliligini tasdiqlovchi hujjatlarni taqdim etishi;
agar reklama qilinayotgan faoliyat litsenziyalanishi lozim bo'lsa yoki uning yuritilishi tegishli ravishda ruxsat etish xususiyatiga ega hujjat olishni talab qilsa, reklama ishlab chiqaruvchi va tarqatuvchiga tegishli litsenziya yoki ruxsat etish xususiyatiga ega hujjatni taqdim etishi, shuningdek majburiy sertifikatlashtirilishi lozim bo'lgan tovar reklama qilingan taqdirda, sertifikatni taqdim etishi;
reklama to'g'risidagi qonunchilik buzilganligi vakolatli davlat organi tomonidan aniqlangan taqdirda, vakolatli davlat organining qaroriga ko'ra u ko'rsatgan muddatda aksilreklamani amalga oshirishi;
vakolatli davlat organining so'roviga ko'ra reklama axborotiga doir hujjatlar va materiallarni belgilangan muddatda taqdim etishi;
Qoraqalpog'iston Respublikasi Vazirlar Kengashining, viloyatlar va Toshkent shahri hokimlarining so'roviga ko'ra tashqi reklama ob'yektlaridan foydalanish bilan bog'liq hujjatlar hamda materiallar taqdim etishi shart.
Reklama beruvchi qonunchilikka muvofiq boshqa huquqlarga ega bo'lishi va uning zimmasida o'zga majburiyatlar ham bo'lishi mumkin.
lex.uz’dagi asl matn12-modda. Reklama beruvchining huquq va majburiyatlari
Oddiy tilda
REKLAMA BERUVCHINING HUQUQ VA MAJBURIYATLARI
Nimani anglatadi
Reklama beruvchi — bu tovar yoki xizmatni sotish uchun reklama qiladigan shaxs. Uning huquqlari va majburiyatlari qonun bilan belgilangan. Huquqlari — bu nima qila olishi, majburiyatlari — bu nima qilishi kerak.
Kimga tegishli
Bu qoida reklama beruvchi bo'lgan har bir jismoniy va yuridik shaxsga tegishli.
Amalda
Kompaniya yangi telefon modeli haqida reklama qilmoqchi. U reklama tayyorlovchiga shartnoma taklifi yuborishi mumkin, lekin shu bilan birga telefon sertifikati va litsenziya hujjatlarini taqdim etishi shart. Agar davlat organi reklama qonunini buzganini topsa, kompaniya aksilreklamani o'tkazishi kerak.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.