Ushbu Kodeksning 611-moddasida ko'rsatilgan shaxslarni berish quyidagi hollarda rad etilishi mumkin, agar:
1) shaxsning ozodlikdan mahrum qilish jazosiga hukm qilinishiga yoki unga nisbatan tibbiy yo'sindagi majburlov chorasi qo'llanilishiga sabab bo'lgan qilmishlarning hech biri u fuqarosi bo'lgan davlatning yoki doimiy yashash joyidagi davlatning qonunchiligiga ko'ra jinoyat deb e'tirof etilmasa;
2) ozodlikdan mahrum etilgan shaxsni yoki o'ziga nisbatan tibbiy yo'sindagi majburlov chorasi qo'llanilgan shaxsni berish to'g'risida mazkur davlat bilan kelishuvga erishilmagan bo'lsa;
3) ozodlikdan mahrum etilgan shaxsni yoki o'ziga nisbatan tibbiy yo'sindagi majburlov chorasi qo'llanilgan shaxsni berish O'zbekiston Respublikasining manfaatlariga zarar yetkazishi mumkin bo'lsa;
4) ozodlikdan mahrum etilgan shaxs yoki o'ziga nisbatan tibbiy yo'sindagi majburlov chorasi qo'llanilgan shaxs hukmni ijro etuvchi davlatning fuqarosi bo'lmasa;
5) xorijiy davlatda jinoiy javobgarlikka tortish muddati o'tib ketganligi oqibatida yoki ushbu davlatning qonunchiligida nazarda tutilgan boshqa asoslarga ko'ra jazoni ijro etish mumkin bo'lmasa;
6) ozodlikdan mahrum etilgan shaxsni berish to'g'risidagi so'rov olingan paytda ozodlikdan mahrum qilish jazosining o'talmay qolgan qismi olti oydan kam bo'lsa;
7) xorijiy davlatning qonunchiligida xuddi shunday tibbiy yo'sindagi majburlov chorasi nazarda tutilmagan bo'lsa;
8) xorijiy davlatda zaruriy davolanishni va tegishli maxsus tibbiy choralarni ta'minlash imkoni mavjud bo'lmasa;
9) O'zbekiston Respublikasining tegishli xalqaro shartnomalarida nazarda tutilgan boshqa hollarda.
lex.uz’dagi asl matn621-modda. Ozodlikdan mahrum etilgan shaxsni jazoni o'tashni davom ettirish uchun, shuningdek o'ziga nisbatan tibbiy yo'sindagi majburlov chorasi qo'llanilgan shaxsni majburiy davolashni davom ettirish uchun xorijiy davlatga berishni rad etish
Oddiy tilda
**Nimani anglatadi**
Bu modda xorijiy davlatga mahkum yoki bemorni berish rad etilishi mumkin bo'lgan hollarni belgilaydi. Agar shaxs O'zbekistonda jazoni o'tash yoki davolash jarayonida bo'lsa, uni berish har doim mumkin emas. Masalan, agar xorijiy davlat shunday jinoyatni tan olmasa yoki uni berish O'zbekistonning manfaatiga zarar yetkazsa, rad etish mumkin.
**Kimga tegishli**
Bu qoida O'zbekiston Respublikasining sud va ijro organlari tomonidan qo'llaniladi.
**Amalda**
Shaxs O'zbekistonda 10 yil jazoga hukm qilingan. Xorijiy davlat uni berish so'radi, lekin uni berish rad etildi, chunki u O'zbekiston fuqarosi emas va xorijiy davlatda zaruriy tibbiy xizmat yo'q edi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.