Ushbu Kodeksda nazarda tutilgan protsessual harakatlarni xorijiy davlat hududida bajarish zarur bo'lganda sud, prokuror, tergovchi, surishtiruvchi mazkur harakatlar O'zbekiston Respublikasining xalqaro shartnomalariga muvofiq yoki o'zarolik printsipi asosida xorijiy davlatning vakolatli organi tomonidan bajarilishi to'g'risida so'rov kiritadi.
O'zarolik printsipi so'rov kiritilayotganda O'zbekiston Respublikasi Oliy sudi, O'zbekiston Respublikasi Ichki ishlar vazirligi, O'zbekiston Respublikasi Davlat xavfsizlik xizmati yoki O'zbekiston Respublikasi Bosh prokuraturasining ayrim protsessual harakatlarni bajarishda xorijiy davlatning vakolatli organiga huquqiy yordam ko'rsatish to'g'risidagi yozma majburiyati bilan tasdiqlanadi.
Protsessual harakatlarni bajarish to'g'risidagi so'rov:
umumiy yurisdiktsiya sudlari tomonidan amalga oshiriladigan jinoyat ishlarini yuritish bilan bog'liq masalalar bo'yicha — O'zbekiston Respublikasi Oliy sudi orqali;
sudning qarori yoki prokurorning roziligi (sanktsiyasi) talab qilinmaydigan protsessual harakatlar bo'yicha — O'zbekiston Respublikasi Ichki ishlar vazirligi, O'zbekiston Respublikasi Davlat xavfsizlik xizmati orqali;
qolgan hollarda — O'zbekiston Respublikasi Bosh prokuraturasi orqali yuboriladi.
Zarur hollarda, ushbu moddaning uchinchi qismida ko'rsatilgan organlar O'zbekiston Respublikasi Tashqi ishlar vazirligi orqali xorijiy davlatlarning vakolatli organlari bilan aloqa bog'laydi.
lex.uz’dagi asl matn592-modda. Protsessual harakatlarni xorijiy davlat hududida bajarish to'g'risida so'rov yuborish
(592-модданинг иккинчи қисми Ўзбекистон Республикасининг 2019 йил 18 февралдаги ЎРҚ-522-сонли Қонуни таҳририда — Ўзбекистон Республикаси Олий Мажлиси палаталарининг Ахборотномаси, 2019 й., 2-сон, 47-модда)
Oddiy tilda
**Nimani anglatadi**
Jinoyat ishini yuritayotgan sud, prokuror yoki tergovchi xorijiy davlatda guvohni so'rashish, hujjat to'plash kabi protsessual ishlarni bajarish kerak bo'lsa, o'sha davlatning vakolatli organiga rasmiy so'rov yuboradi. Bu so'rov O'zbekiston bilan tuzgan xalqaro shartnomalar yoki o'zarolik asosida yuboriladi.
**Kimga tegishli**
Ushbu huquq va majburiyat jinoyat ishini yuritayotgan sud, prokuror, tergovchi va surishtiruvchilarga tegishli.
**Amalda**
Tashkentda bo'lgan jinoyat ishida guvoh Germaniyada yashaydi. Prokuror Germaniya organlariga rasmiy so'rov yuboradi — guvohni so'rashlari va uning bayonotini O'zbekistonga jo'natishlari to'g'risida. Germaniya o'z qonuniga muvofiq bu so'rovni bajaradi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.