Ishni muhokama qilish vaqtida tartibni buzgan shaxsni raislik qiluvchi sud nomidan ogohlantiradi.
Sud majlisida taraf yoki uchinchi shaxs tartibni buzgan taqdirda, sud tartibbuzarni ishni ko'rishning hamma vaqtiga yoxud uning bir qismiga majlis zalidan chiqarib yuboradi. Vaqtincha chiqarib yuborilgan shaxs sud majlisi zaliga qaytadan qo'yilganda raislik qiluvchi uni zalda yo'q bo'lganda amalga oshirilgan protsessual harakatlar bilan tanishtiradi. Sud majlisida har ikki taraf yoki uchinchi shaxslar tartibni buzgan taqdirda, sud ishning muhokamasini keyinga qoldirishi mumkin.
Ishda ishtirok etayotgan shaxslar, guvohlar, ekspertlar, mutaxassislar, tarjimonlar tartibni takroran buzgan taqdirda sudning ajrimiga binoan, ishni ko'rishda hozir bo'lgan fuqarolar esa raislik qiluvchining farmoyishi bilan sud majlisi zalidan chiqarib yuborilishi mumkin. Fuqarolar ommaviy tarzda tartibni buzgan taqdirda sud ish muhokamasini keyinga qoldirishi mumkin.
Prokuror yoki advokat raislik qiluvchining farmoyishlariga bo'ysunmagan taqdirda, ular ogohlantiriladi. Mazkur shaxslar raislik qiluvchining farmoyishlariga yana bo'ysunmasa, agar ularni ishga zarar yetkazmagan holda boshqa shaxs bilan almashtirishning imkoni bo'lmasa, ishni ko'rish sudning ajrimiga binoan keyinga qoldirilishi mumkin. Sud bir vaqtning o'zida xususiy ajrim chiqaradi, ushbu ajrim tegishincha yuqori turuvchi prokurorga yoki O'zbekiston Respublikasi Advokatlar palatasining hududiy boshqarmasi huzuridagi malaka komissiyasiga yuboriladi.
lex.uz’dagi asl matn145-modda. Ogohlantirish va sud majlisi zalidan chiqarib yuborish
Oddiy tilda
**Nimani anglatadi**
Sud majlisida tartibni buzgan odamni avval ogohlantiradi. Agar tartibni qayta buzsa, uni zaldan chiqarib yuboradi. Agar prokuror yoki advokat sud raisining buyruqlariga bo'ysunmasa, ularni ham ogohlantiradi va keyin zaldan chiqarishi mumkin. Bunday holda sud xususiy ajrim chiqarib, yuqori prokurorga yoki Advokatlar palatasiga yuboradi.
**Kimga tegishli**
Bu qoida sud majlisida ishtirok etayotgan barcha shaxslar — taraflar, guvohlar, prokuror, advokat va boshqa ishtirokchilar uchun amal qiladi.
**Amalda**
Davlat sud majlisida bo'lgan shaxs sud raisiga noto'g'ri javob berdi. Rais uni avval ogohlantirdi. Agar u tartibni yana buzsa, rais uni zaldan chiqarib yuboradi va sud ishni keyinga qoldiradi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.