63-modda. Byudjet tashkilotlarining byudjetdan tashqari mablag'larini undiriladigan to'lovlar hisobidan shakllantirish

Byudjet tashkilotlari tomonidan byudjetdan tashqari mablag'lar: o'quvchilar va tarbiyalanuvchilar davlat maktabgacha ta'lim tashkilotlarida, umumta'lim maktablarining kuni uzaytirilgan guruhlarida, maktab-internatlarda, olimpiya zaxiralari kollejlarida va boshqa davlat ta'lim tashkilotlarida saqlab turilganligi uchun; o'quvchilar bolalar musiqa va san'at maktablari hamda davlat qo'shimcha ta'lim tashkilotlarida ta'lim olganligi uchun; oliy va o'rta maxsus, professional davlat ta'lim tashkilotlarida ta'lim olganlik uchun; statsionar davolash-profilaktika muassasalarida davolanayotganlar tarkibi ovqatlanishi uchun; qonunchilikka muvofiq boshqa turdagi undiriladigan to'lovlar hisobidan shakllantiriladi. Undiriladigan to'lovlarning miqdorlari, ularni kiritish va ulardan foydalanish tartibi, shuningdek undiriladigan to'lovlar bo'yicha imtiyozlar qonunchilik bilan belgilanadi.