19-band. 2-bob. Avtomototransport vositalarini davlat ro'yxatidan o'tkazish — 19-band

Yaqin qarindoshlikni tasdiqlovchi hujjatga tug'ilganlik haqidagi guvohnoma yoki nikoh tuzilganligi to'g'risidagi guvohnoma yoki yaqin qarindoshlikni tasdiqlovchi vakolatli organ tomonidan berilgan boshqa hujjat kiradi. Arizachining avtomototransport vositasining avvalgi egasi oldida huquqiy vorisligini tasdiqlovchi hujjatga arizachi-yuridik shaxsning ustavi yoki ta'sis shartnomasi kiradi. Arizachi-yuridik shaxs avtomototransport vositasining avvalgi egasi-yuridik shaxs ishtirokchisi (ta'sischisi, a'zosi, aktsioneri) ekanligini tasdiqlovchi hujjatga oxirgisining ustav ta'sis shartnomasi yoki aktsiyadorlar reyestri kiradi. Avtomototransport vositasining avvalgi egasi-yuridik shaxs arizachi-yuridik shaxsning ishtirokchisi (ta'sischi, a'zo, aktsiyador) ekanligini tasdiqlovchi hujjatga oxirgisining ustavi yoki ta'sis shartnomasi yoxud aktsiyadorlar reyestri kiradi.